第十二屆粵語討論會
粵語句子嘅界定：比較研究
二零一二年二月廿五號

徵求論文
第一號通知

「第十二屆粵語討論會」將於二零一二年二月廿五號（星期六）喺香港中文大學舉行。呢次討論會嘅主題係「粵語句子嘅界定：比較研究」。打算報告嘅你可以就下面幾個課題做粵語同其他方言嘅比較：

一、「句子」喺粵語口語上有何意義？
二、除咗句首、句末語氣詞外，音韻點樣幫助界定「口語句子」？
三、「口語句子」嘅釐定會唔會影響其他句子下位範疇嘅睇法，譬如「話題」？

每篇論文嘅報告時間有二十分鐘，之後有至少十分鐘愛嚟發問同討論。報告同參加嘅人士可以選擇用粵語、普通話或者英語發言。有意報告嘅你請提交一份寫上作者姓名、工作單位同電郵地址嘅論文摘要，中文、英文都得，長度以一頁A4 紙為限。摘要請以DOC 電子檔形式儲存，電郵到：swtang@cuhk.edu.hk。

請記住下面兩個重要嘅日子：
摘要截止日期 ：2012 年1 月16 號（星期一）
接受摘要嘅通知日期：2012年2 月3號（星期五）（用電郵通知）

如果你有咩問，歡迎用電郵跟鄧思穎（swtang@cuhk.edu.hk）聯絡。有關討論會嘅詳情同最新資料，請瀏覽以下網址：「www.lshk.org」。「第十二屆粵語討論會」由香港語言學學會主辦、香港中文大學中國文化研究所吳多泰中國語文研究中心同中國語言及文學系粵語研究中心協辦。